أبو ذيات للشاعر يوسف الدراجي

لون مريت روحك مرك احلى
_عسل ضكته وكلك مرك احلى
_ عليمن مره حمره مره كحلى
_ تحطها النوب شنهو نقصك انت
_ وجمالك تدري نقصه نقصك انت
_بس زيد حلاتك نقصك انت
_وطلع حاصلك انت على انت
_ وعلي تعلأ اذن انت على انت
_ اذا سر حبنه هسه انت علنته
_ اذن انت اصبحت مولولاني
_ وتحب قبلي اذن مولولاني

_ وليتك انه كلبك موولاني
_ وكدامك ذبحني وماتحاجي
_ سكت كلبي اضنه مات حاجي
_تريد بسرنه يحجي ماتحجي
_لانه بس يحجي عذبانه وكتله
_وحركه النوب بدموعي وكتله
_وكت ليانه موتني وكتله_
_ يموتني يكلي كلبي حبك
_____مجال يصير بلجي كلبي حبك
_تدري شيحب كلبي كلبي حب بيك
_كلك موجماك وحده كلك
_وماكتله يكلك وحده كلك
_ تظن بوسات رايد وحده اكلك
_لان احيا من ابوسآ شفتك انه
__ وتعاينلي بتكبر شفتك انه
_ شفك ياخه دكلي شفتك انه
_ _تسودنت بغرامك موت احبك
_وتجرح ليش عيني مو تحبك
_صدك وكلبني هسه موت حبك
_اذن ماحبك انه راح احبك
_وخلي شويه يكعد راح حبك

_كفرت انه وكلتلك راح احبك
_اذا هيه شفاهك منك احلى
_ورموش الليل تاخذ منا كحلى
_ماعاين حبيبي منك احلى
_شسوي انه اتمرض حتى
_ولامره حصلي حتى اشوفه
_دعاين سكت كلبي حتى شوفه
_ولاجنه يربي بي رحمتك
_سكت كله لأن تك بي رحمتك
_نسيت انت وذكرك بي رحمتك
_لأن محد يرحمك بس ترانه
_وتروح بعيد صاير بس ترانه
_أذن كافي اتعذر بس ترى انه
_ابوسآ شفتك حتى اتهم بيك
_وروحي انت تعرف حتى اتهم بيك
_كلشي بيك اذن حتى انت هم بيك
_لان انت جمالك من تمرتك
_ويزعل تك يكلبي من تمر تك
_موكلبي تأمره من تمر تك
_يفز كله ويكلك حتى سمعك
_ويهذي الوحده صاير حتى سمعك
_اذا كلك يسولف حتى سمعك
_اذن حق انه بيه جني منك
_ومومنك الجنه الجنه منك
_صدك الحور اجني منك
_اذن الحور منك وانته منهن
_وهذني شفاك كلبي وانته منهن
_تريد النوب أمن ونتمنهن
_ديله راح أمن اكو ولله
_عسل ماكو بشفاهك اكو والله
_لون تهمس نصفك اكو الله
_همس عريان تهمس بس اكلك
_دبسك من حلاتك بس اكلك
_خدك راد منك بوسه كلك
_دنيت انته على خدك بسته مره
_تكوم الواكف انته بس تمر
_دأمره شبيك كلي بس تأمر
_اذا ماجاك كلي اني اجيلك
_واصير اني تراثك واني جيلك
_تعال تكلي هسه وين اجيلك
_غير افتهم اني شنهو كصتك
_شنو رموشك عيونك شنو كصتك
_اظن توصات نازل شنهو كصتك
_واظن انت جمالك كله منك
_وغارآ لوشفاهك كلمنك
_اصد واصعد واخذ كله منك
_وابوسآ ايدي لنها كضت ايدك
_شسولف بيها كلي كضت ايدك
_دعاين شوف شفتك كضت ايدك
_ولابقت اشويه حله بيدك
_سوأل بشفتي باقي حله بيدك
_اصبعك لاتظنه حله بيدك
_لأن بس ايدك انت حلة ايدك
_ركن ضارب وتاني حلة ايدك
_اديك الماقرتلك حلة ايدك
_لان برشومه جتها من ورشفاك
_سره اوكف دكلي من ورشفاك
_شنو جاك الرسول منوره شفاك
_طلع بدري علينه انه شفتك
_اذا فتكيت مني اني شفتك
_كون اخذلي بوسه واني شفتك
_اخلي العسل ياخذ شهد منك
_هدايه انت شعوفك شهد منك
_وسلفن بيك شنهي وشهد منك
_كمر لويطفى ياخذ لاله خدك
_مصيبه بكتلوكك لاله خدك
_وحسنك جاهجرتك لوله خدك
_واظن هم لوله خدك جاهجرتك
_دليلي لوهجرني جاهجرتك
_اذن تذكار بقى جاهجرتك
_خذت الذكراني وانساني
_لجن جرحك العندي ونساني
_شتظن هم انسى انت وانسى اني
_غير جروحي كلها حلو منك
_لجن رايدلي هسه حل ومنك
_حلاوه شلون تاخذ حلو منك
_السكر صعد عدنه موشفتنه
_وخدنه الباسك انت موشفتنه
_جمالك طائفيه موش فتنه
_اخذ غربيل مني صفي نيتك
_جذب ماريد كعده صفنيتك
_صفنت اشبيك شنهو صفنيتك
_ولك من عشره اخذ عشره منك
_لجن من عشره شاخذ عشره منك
_ادور يمكن الكه عشره منك
_ودور تلكه يمكن عشره مني
_وعشر انطوك لنها عشره مني
_اذا من ميه تاخذ عشره مني
_اذن من عشره تاخذ واحد انته
_عجيبه الفرقانه وحده انته
_اذا كلبي شلعته وحد انته
_لعد اثنين منك جاكلبنه
_ودوم ارتاح كلبك جاكلبنه
_عزف بونينه وسفي جاكلب ناي
_وفوك الضيم تسأل منهو انت
_انه المانمت كلي من هوى انت
_شنو ماتبجي كلي من هوى انت
_شسوي شبيدي كلبي عينه يمك
_اخذ كطرت عشكنه_عينه يمك
_اذا كلبي يفيدك عينه يمك
_اذا مافادك بوجه طلعه منك
_لأن مومني طالع طلع منك
_كلك خله يكعد طلعه منك
_اخذته وكتلي اكلب موكلبنه
_وكلبي اتكلي كلبك موكلبنه
_ولك موهو هذا موكلبنه
_سهام هواي موسهم بي
_غرورك مدري هجرك موسهم بي
_كليم الله كاعد موسى هم بيه
_لجن يخرس لونه يسع اسمك
_وحط مونومع اسمك يسمع اسمك
_اذا يحجي ويشوف ويسمع اسمك
_انه الزفية عذرآ يوسف انه
_ومحار اعيونك انت يوسفانه
_اذا حسنك زليخه يوسف انه
_قميص انشك بعد شتشك عليه


تحاياي .
الموضوع : أبو ذيات للشاعر يوسف الدراجي  المصدر : منتديات ابن الفرات ودجله

مجموعه كبيره جدا وحلووه
يعطيك العافيه
الموضوع : أبو ذيات للشاعر يوسف الدراجي  المصدر : منتديات ابن الفرات ودجله