[size=25][size=21]مطاردة دارميات مباشره بين
الساعدي وأماني
شرط ان يكون الدارمي جديد
والوقت بالرد لا يتجاوز الثلاث دقائق
هديه لكل عشاق الدارمي


اماني


اولهه للرسول ولاهل بيته --- حيدر علي بالروح انه افتديته



الساعدي


شنهي العمر والروح حيدر هدايه --- من الزغر منذور لاسم الولايه



اماني


اسمع عراقيين والغيره عدكم --- والجار ماينظام لو سكن يمكم



الساعدي


الغيره ماتنباع بلنفس شتله --- الجوعان جاره شلون يتهنى باكله



اماني


مدري زماني ليش ذبني عليكم --- ببلادي صرت انوب احجي حجيكم



الساعدي


احنه حجينه اهواي صدقيني راقي --- بلطيبه ماتلكين مثل العراقي



اماني


محيرتني هاي الروح دخت ابهواكم --- اتعت بيه نص الليل يم منتداكم



الساعدي


صحنه هله ابملكاك واولهم انه --- واحة عشك للطيب يامنتدانه



اماني


امبارك عليك العيد وانته بغربتك --- يلساعدي بيا ايد تمسح دمعتك



الساعدي


ابيسره امسح الدمعات اليمنه ملت --- مسكينه ذاك العيد بلمسح شلت



اماني


الخوه موش احروف ننطقها بلسان --- لو خوة العباس لو ماكو خوان



الساعدي


اي والنعم عباس لو كلتي هوه --- والنعم تاج الراس معنى الاخوه



اماني


يل ساعدي دنياي كلش وكيحه --- جيتك اريد اليوم منك نصيحه



الساعدي


لاي بشر لتطخ راس لو حتى لاهلك --- امن الله اطلب الحاجات الوادم تذلك



اماني


حطني الك نيشان وارمي عليه --- بس لاتشمت اعداي يلغالي بيه



الساعدي


ماتشمت الشمات خذها نصوحه --- ياهو اليحط نيشان كدامه روحه



اماني


امدوخني واهتم بيك واترقب اسمك --- احجيلي بصراحه ليش ابداعت امك



الساعدي


انه ارد اسئلك ليش بعيوني رسمك --- حتى الشرب والزاد سميته بسمك



اماني


يل ساعدي مكسور هليوم اجيتك --- وصبت دموع العين يم باب بيتك



الساعدي


كسرك اجبره اليوم هلطلبه سهله --- وبيتي اذا مديون بسمك اسجله



اماني


شمصبرك ببلاد كلش بعيده --- بس توصل البغداد تلكه التريده



الساعدي


اشكد شفت بلدان والغرب كله --- ماكو مثل بغداد بعيوني تحله



اماني


بس مره ابرمضان امسمعني صوتك --- وما خابرت بالعيد تقبل امروتك



الساعدي


نصحوني العلام واهل العمايم --- السمع هذا الصوت مايبقى صايم



اماني


يل ساعدي وياك ماشفت راحه --- خلصت هذا العيد بس بلنياحه



الساعدي


صدكيني مالي صوج لكن زماني --- محرض عليه اكول كلمة اماني



اماني


كون السواعد كون بلسعوديه --- واخذ ابثار الروح قبل المنيه



الساعدي


اتطالبني ابثارات والقاتل انته --- اول حكم مقلوب بعيوني شفته



اماني


اتبين الغيره اعليك نص المجالس --- يملبس الايتام احلى الملابس



الساعدي


كلشي ابكرم تنطيه ربك يعلمه --- واليرحم الايتام الله اليرحمه

[ندعوك للتسجيل في المنتدى أو التعريف بنفسك لمعاينة هذه الصورة]
تحياتنا للجميع
ترقبوا جديدنا المباشر في مطاردات اخرى

حسين الساعدي
و
اماني[/size][/size]
الموضوع : دارميات مباشرة بين حسين الساعدي واماني  المصدر : منتديات ابن الفرات ودجله

موضوع جدا رائع شكرا
تقبلي مروري

ALI ALIRAQI
الموضوع : دارميات مباشرة بين حسين الساعدي واماني  المصدر : منتديات ابن الفرات ودجله