أكيد بتفرق

أكيد بتفرق أما أحس

بكل كلمة كتبتها

ويكون كلامى كلام معبر

عن كل حاسة عشتها

أفتح لى قلبى وأرتاح معاه

وأحكى الحكاية كلها


وكل كلمة يقولها قلبى

هو اللى راسم شكلها

ان كات جميلة والا رقيقة

عيونها تفضح سترها

وان كات خبيثة والا لئيمة

يبقى بتفضح سرها


احساس جميل أما أعيش

واضح صريح لأهلها

عايش معاهم على هواهم

قلوبنا فاضحة بعضها

نعرف حبيبنا اللى رايدنا

وقلوبنا يجرى دمها

جوا عروقنا وكل نقطة

جواه بتوصف حبها

كل حبيب عارف حبيبه

الكلمة قايلة نفسها

احساسه بيه خلى حياته

بسيطة تحكى كل اللى فيها

وضحت حياتهم وشافوا

سكة وساروا ليها

وضعم أساسهم وكان هدفهم

دنيا جميلة يعيشوا فيها



تحلى حياتهم لو كات قلوبهم

حلوة جميلة الخير ماليها

أحلى قلوب اللى تدوب

دايما بحب بعضها

احساسنا بيها بيكون عظيم

نطمع فى خيرها وقربها

هى أملنا فى دنيا تانية

خيرها حاميها حارس لها


وان كات خبيثة والا لئيمة

الناس هتعرف شرها

ويكون هواهم نفاق وغدر

والخلق كارهة بعضها

تفسد حياتهم ويعيشوا دنيا

نارها ما تعرف غدرها

دى قلوب تناست كلمة حنان

وسمها كان حبها

دى قلوب خبيثة

غادرة ولئيمة

حنانها هو سمها

يارب سلم من الخلق ديا

واحمى قلوبنا من شرها

واجعل حياتنا فى الدنيا طاعة

وعمل عظيم يشفع لها

واحمى قلوبنا من كل ظالم

يقسى عليها ويغدر بها

واجعل قلوبنا بالخير يا رب

عملها صالح على أرضها



بقلمى

على شلتوت

عرباوى المحلة
الموضوع : اكيد بتفرق  المصدر : منتديات ابن الفرات ودجله

موضوع جميل شكرااا
الموضوع : اكيد بتفرق  المصدر : منتديات ابن الفرات ودجله