يـا عـراق ....
شمـا تصيـر بـعـيـد ادورنـك وطـن
ولـكـاك بـيـه شـكـد حـلـو
مـبـيـوگ لـكـن
..............
ويـن ادورك ... ؟
ونـتـه فـيـض بـعـطش روحـي
فـيـض مـا بـلـل سـنـيـنـي الـبـيـه مـرن
....................
چـان عـنـوانـي الـجـنـوب
حـروفـه بـيـك تـقـسـمـن
حـصـه هـذا ... وحـصـه ذاك
والـبـگـايـه تـهـربـن
..............
شـلـون اجـيـك ... ؟
وانـه لا عـنـوان عـنـدي
والـدرب مـزروع خـوف
والـجـيـوش الـبـيـه تـاكـل
مـن لـحـم ذيـچ الـجـيـوش
وبـيـه نـخـلات الـسـلـف
بـچـن بـدمـوع الـطـيـور الـهـاجـرن
وگـلـوبهـن بالـديـره ضـلـن
..... ونـتـه تـدري
عـشـوشـهـن ... زغـارهـن... تـاريـخ اهـلـهـن
بـحـقـد بـارود الـعـروبـه تـفـجـرن
ونـتـه بـطـران بـزمـانـك يـا وطـن
مـن بـگـايـه الـمـامـش الـبـلـديـره تـطحـن
..................
هـا كـثـر مـريـت طـيـف ومـا لـگـيـتـك
چـان مـوت ابـاب بـيـتـك
يـسـأل گـلـوب الـتـحـبـك
يـدور الـمـمـنـوع بـيـهـن
ثـاري الـعـشـگ والـشـوگ الـك
ذنـي مـا مـسـمـوح بـيـهـن
حـتـى دمـعـات الـفـرح
نـگـول مـو مـالاتـنـه
ونـتـبـره مـنـهـن
...................
ونـتـه نـايـم بـيـك شـفـتـك
والـحـرامـيـه الـتـبـوگ دمـوع نـاسـك
عـلاسـهـم مـنـك وبـيـك
وفـوگـهـه ... مـن كـبـار بـيـتـك
............
والـيـحـبـك يـا وطــن
بـات مـكـسـور الـگـلـب
هـا كـثـر دورت عـنـك
ونـتـه بـحـلـوگ الـجـرايـد
چـنـك انـتـه
الـلابـس الـدخـان ودمـوع الـضـحـايـا
چـنـت انـتـه
وچـان تـاريـخ عـلـى بـاب الـدنـيـه
يـســأل ....؟
ويـن هــذا ... ؟
الـچـان شـمـس الـكـون
وشـغـيـر حـسـبـتـه
وصـار بـيـد الـغـرب شـمـعـه
تـواكـح بـلـيـل الـكـراهـيـه .. الكـره
وحـيـلـهـه مـن حـيـل دمـعـه
بـعـيـن مـجـروح بـوطـن
ضـيـع زمـانــه
وصـار لـلـواويـه زور
وسـيـد الـغـابـه الـيـشـور
شـورت بـيـه شـارتـه
ورضـه بجـراده قـسـمـتـه
مـا يـدري بـيـهـه بـيـا حـلـگ
يـجـوز مـا تـرضـه بـعـشـرتـه
مــو سـبـع .... هــذا
الـيـاخـذ مـن الواوي حـصـتـه
وذيـلـه بـيـن فـخـاذه مـتـوسـد ( ... تــه )
............
يـا زمـن
نـعـلـه عـلـى ذولـه الـخـلـفـوك
تـذل ابـو خـمـيـس بـيـتـه
وصـار سـالـوفـة شـمـاتـه
بـحـلـگ واويـة الـوكـت
...........
زغـرتـنـه يـا وطـن
وكـبـروا الـعـفـنـيـن بـيـك
چـنـدوب نـمـشـي ويـاك لـيـل
الـصـبـح مـيـت بـيـن اديـك
..................
يـا عـراق الـبـيـك بـيـه
لا ذكـرنـه هـلال عـيـد
لا صـبـح مـر بـيـنـه جـيـه
ونـتـه بـيـه شـگـد بـعـيـد
وانــه مـتـوسـد شـواطـي الـغـربـه وحـشـه
ولـيـل روحــي يـنـتـظـر
جـيـتـك فـجـر
..................
يـا بـعـيـد حـچـيـهـه بـيـضـه
الـصـبـر مـا ضـل بـيـه صـبـر
هـم يـجـي بـالـك تـمـر
جـايـب نـده
يـبـلـل حـچـايـانـه الـسـمـر
... ونـگـول اجــه
ويـحـسـبـهـه مـمـنـون الـدمـع
لـلـروح جـيـه
وفـزن وي بـگـايـه الـعـمـر حـنـيـه
وضـوگـنـك وطـن بـيـه
وحـسـك يـا عـزيـز افـيـش بالـريـه
![]()
الموضوع :
يا عراق البيك بيه المصدر :
منتديات ابن الفرات ودجله
