مو بيدي .. العشك يسري بحنايا الروح

و من شفتك حبيب الروح سميتك



حسيتك قريب و اغلى كل الناس


و لا كأنك غريب و هسه لاكيتك

و مو سكته و دفن حبيتك و خجلان

كل الناس تدري بيوم حبيتك

بس تبقى لغز ما تنكشف للغير

يروحي بروح روح الروح ضميتك




ضميتك و اغار من الهوا يحاجيك

و من كد ما غرت ما يوم حاجيتك
يا نسمة هواماادري راح اهواك
كلت مثل الهوا و ما ادرري .. شميتك
من ذاك الوكت ما غبت عن البال

القلب بأسمك تسجل و انحسب بيتك

يا نبعة ورد ما بيك شوك الورد

ناعم يزهي لونك و العطر صيتك

فصّلت البشر سويتهم تمثال

و انت الروح بالتمثال خليتك

حجر كل البشر بس صارو يحنون

قطرة نطيتهم من بحر حنيتك

يا نهر العشك يا سلّم الافراح

عطشان و حزين و واكع و جيتك

رايد كلمه منك مو كلام هواي

و اذا انت تريد الروح لبّيتك




بس كلمة احبك كافي عاد ارجوك

حتى لو بالكذب بس كول حبيتك
الموضوع : رايد كلمة منك مو كلام هواي   المصدر : منتديات ابن الفرات ودجله

واااااااااااااااااااااااو
رووووووووووووووووووعه
احلى من كل الحلا
سلمتي يابنت بغداد
الموضوع : رايد كلمة منك مو كلام هواي   المصدر : منتديات ابن الفرات ودجله