المعجزة البيضاء

تاريخ التسجيل : 11/04/2010

الواحد فرد مايقبل التقسيم
بس آنة انقسم وبدونك أتعدد

اتقسم بدونك وانجمع وياك
لأن كلي وية كلك بيك يتوحد

جنت جاهل واجيك اتشرد من الناس
هسة تعلمت من نفسي أتشرد

عشكتك ذرة ذرة وصرت اغار عليك
اذا محد يبوسك أذبح المحد

ولك لاتنطرح يم ناس تعبانين
مو طولك حصار شلون تتمدد

وشعرك ليلة ظلمة توحشت عالريح
كل ماهب عليها تلفلفة بأسود

وجبينك أيد موسى [ندعوك للتسجيل في المنتدى أو التعريف بنفسك لمعاينة هذا الرابط] البيضاء
مو حقه الكفر من شافك تعبد

وفراشة نور إذنك والزلف خطار

مرة ايحط عليها ومرة يتبعد

وجفنينك سما ومجفي على رمشك ليل
اذا ترمش يضل فرقد يطك فرقد

يالعينك بحيرة بكل هدوء الليل
ودموعك نوارس لو مشت عالخد

وعلى خدودك صور منقوشة من بوسات
اباوع بالصور ما بايسك أحد

وشفتينك شمس من تبتسم نصين
يكطعها البرق وبنصها يتجمد

وحنجك صدر بجعة انصاغت من النور
اذا ماتت شمس من نورة تتولد

ومثل زمزم ركبتك نص ذهب نص جام
وعين الماي هاي العالصدر تركد

وانام اباب صدرك واذنب وانخاك
كبتين الذهب ماتشفع الاحد

يبو ايد الثلج لاتطلع بتموز
مو خاف الثلج خاف الخلك تبرد

واذا لا مو ثلج كل هالبياض منين
معقولة العظم فوك الجلد يصعد

يالجتفك منارة بيا شرع يا دين
اموت من العطش وكبالك اتشهد

وحدر جتفك فرات ودجلة ملتقيات
وشفت شط العرب جوة الجتف ممتد

واباوع عالبطن مو ركبة الدلفين
لأن عين الحياة بصرتك تركد

يبو ساك الكطن ليش فتحتلك باب
مو خاف الكطن بالعين يتفرهد

خطواتك حضارة وخصرك التاريخ
اذا تمشي العرب فوك الفرس تصعد

وعلي كل ما تمر يجبرني حسن البيك
اوصفنك لجن من وصفك أتردد

لذلك ماوصفتك واعتذر يهواي
وصفت الخيال المنك تولد

الموضوع : المعجزة البيضاء المصدر : منتديات ابن الفرات ودجله

تاريخ التسجيل : 26/02/2010

خطواتك حضارة وخصرك التاريخ
اذا تمشي العرب فوك الفرس تصعد

وعلي كل ما تمر يجبرني حسن البيك
اوصفنك لجن من وصفك أتردد

لذلك ماوصفتك واعتذر يهواي
وصفت الخيال المنك تولد

شكرا لكلماتك الراقيه يا صمت موضوع في غاية الرووعه تم تقييم الموضوع تحياتي لك

الموضوع : المعجزة البيضاء المصدر : منتديات ابن الفرات ودجله