اقدم الكم اليوم مجموعة من ابوذيات شاعرنا الكبير اسماعيل الراوي

الك خبره بعذابي انت والك فن
كتلتني وحظّي بفراگك ولك فان
اشگ اللحد لو تگرب والاكفان
وتعود الروح يالغالي اليه

0000000
رهن شورك يشاعرنا واعينك
ولا ترمش احاسيسك وعينك
رمز للخوّه انت اتظل وعَينك
امير الطيب والود والحمية

00000000
على الزينه جميع عضاي تهتال
ودموع العين عالوجنات تهتال
يكَلبي من بعد هه ابيده ته تال
وحيد وعبرتك تروي الوطيه

0000000
بعطش وسط الفيافي وكتله : رًد مـــــــاي
كتلني بسيف طرفه وناوي رد مـــــــــــــــاي
اذا اللال بصحاري بيوم رد ماي
ترد الروح من حبك بريــــــــــــــــــــــــــــه

0000000
تعذّبني بهواك وهايم انـــــــــــي
وچنت أحلم تحبني !وهاي اماني
اكتلتني عيونك انت وهي يماني
حبيبي ,,شگد قسيت بجد عليه!

0000000
تِــــــذَوب البسمه حلوه ولاگتلّك
تگلّي : اصبر حبيبي . ولا گتّلّك
مــــــطر نيسان حبّي ولاگه تلّك
بــــــحنين ولهفه ومشابك سويه

00000000
عليك عيون تسحر من يراهن
وأظنه يموت بالحب من يراهن؟
يريت عيوني تعمى ومن يرى هن
لأنك غالي ياحبيــّب عليــــــّه
0000000
الورد خدك حبيبي شتله منه
وهواك اكتاب شدني شاتله منه
شكثر مالشوگ مني شت لمّنه
حنايا الروح ,,لگليبي هديّـــــــــه


عجب مامر شريك الروح بس لاح
رماني وردت ارد السهم بس لاح
لجيبك لو تصير اليوم بسلاح
وتداوي جروح علاتي الخفية


أشّرلي بطرف عينك وانا اجيك
ولو ببحور انه اغركَـ ونجّيك
شحلو يسمر تناجيني واناجيك
ونموت ونحيه يحبيّب سويه

امن اشوفك ينشده كَلبي وأقف لك
ويكَلبي اسمح اخلي الخل وقفلك
اقدم الروح والمهجة وقف لك
حبيبي ,وعمري لعيونك هدية

دليلي برميه من يدّك رماه داي
وحركَني الشوكَـ بس باقي رماداي
اريد اهجر هلي وناسي ورماداي
واتبعك لو خبيث الداي بيه


المحبتك روحي مركب وانتقل بي
وتظل نور الحياتي وانت قلبي
يدنيا كتاب قلبي وان تقلبي
تشوفين المواجع والاذية

0000
بقلم الشاعر الكبير اسماعيل الراوي

منقوووووووول
الموضوع : الشاعر الكبير اسماعيل الراوي وباقه من ابوذياته  المصدر : منتديات ابن الفرات ودجله

عجب مامر شريك الروح بس لاح
رماني وردت ارد السهم بس لاح
لجيبك لو تصير اليوم بسلاح
وتداوي جروح علاتي الخفية

شعر حلوووو جدا تسلم ايدك
الموضوع : الشاعر الكبير اسماعيل الراوي وباقه من ابوذياته  المصدر : منتديات ابن الفرات ودجله