السلام عليكم جميعا..
هذه بعض الابوذيات التي كتبتها بقلمي..ارجوا ان تنال اعجابكم
ولكم ودي واحترامي
أريد أصفن على الاحباب صفنه
يوم الضيج محد كَرب صفنه
يغربال الوكت غربل وصفنه
وميز الزين من راعي الرديه
****************
هَلَك لو ربطوني بخشب واسلاك
أبد لاتعتقد أنساك وأسلاك
سلكت اعلى القهر والظيم وأسلاك
على الجمرات كون اتصير اليه
****************
صايم لاهوه ولاماي لا زاد
لجن ولفي ابد لا نكَص لا زاد
الناس اتكَول خنوديه لآزاد*
مايدرون شوكَك عمل بيه
*******************
*آزاد:طبيب يعمل في منطقتنا
********************
وفي الختام تقبلو مروري بينكم
الموضوع :
ابوذيات_بقلمي المصدر :
منتديات ابن الفرات ودجله