ادعاء المعرفة
وساعات نطلق عليهم
ابو العريف
ثانى عادة سيئة تؤرقنى
بعد القمامة
من منا لا تضطره الظروف انه يسال عن عنوان مكان ما
اى عنوان شارع او محل او عيادة دكتور او مصلحة حكومية الخ
هاحكيلكم موقف صادفنى
كنت تعبانة وبابحث عن مركز اشعة
وطبعا العادى انى مش عارفه اوصل سالت حد فى الشارع
وطبعا العادى وصفلى وصفة شمال فى يمين المهم توهنى
وسالت واحد تانى وصفلى يمين فى شمال فى وشك لقيت نفسى مكان ما كنت تانى
سالت واحد ثالث قالى نفس الاتجاهات
وسالنى فهمتى يعنى الواد ايه واثق جدا
قلت له دى واصفه سهله اوى اوى
دى واصفه هايله اوى اوى
المهم لاقيت نفسى فى مكان غير
المفروض اروحه خالص
كل دا وانا تعبانه
بس هم مالهم
المهم مفيش حد فيهم يطلع مش عارف لازم يفتى ويتكلم وبس مش مهم يتوه الناس مش مهم يضيع وقتهم وممكن عامل الوقت يكون متوقف عليه حياة انسان او مستقبل شاب رايح يقدم فى عمل
امتى نبطل العادة دى واللى مش عارف يقول مش عارف من غير ما يضلل اللى حواليه
المهم انا طلبت الدليل وجبت التليفون وسالت موظف فى المركز واكتشفت انى كان بينى وبين المركز ثلاث دقائق سيرا على الاقدام
من فضلك لو ما تعرفش
قول مش عارف
![]()
الموضوع :
سلبيات ادعاء المعرفه المصدر :
منتديات ابن الفرات ودجله
