السلام عليكم شباب وبنات

موضوعي اليوم عن رعاية الشباب بمختلف المجالات

عدنه بالجامعه حفلة سنوية بين الجاليات العربية والاجنبية

اي انه كل دولة تعرض حضارتها وثقافتها امام بقية الشعوب بطريقه مناسبة

والحمد لله العراق اخذ المرتبه الاولى مرتين خلال اخر اربع سنوات

واني اشتغل باللجنه المنظمه للحفل وصارلي 4 سنوات بيها

من تصير هاي الحفلة قبلها بليلة احنه كم شاب يبقى يبات بالجامعه نشتغل ونحرس الغراض

يجون يمنه السعوديين والكويتيين واللبنانيين نكعد نسولف سوية .... الخ

فنشوف انه كل دوله تدعمها سفارتها وتتكفل بكل شيء الا احنه متبهذلين

مثال : سفارتنه الله يسلمها بالكوه نتوسل يابه دعمونه بعد التبهذل لأيام ينطونه ما يقارب ال 300 دولار فقط بله هاي شتسوي

في المقابل الكويت سفارتها دفعت 5000 دولار لتمثيل البلد بأرقى صورة
وغيرها

طلاب عراقيين متفوقين والله رافعين راس البلد بعلمهم وشهاداتهم
ماكو اي ممثل عن السفاره يدعمهم
او حتى رسالة شكر

مو بس الشباب بالغربة

الي بداخل العراق ليش يجيبون عمالة اجنبية واحنه مذبوحين بطالة

اسئله اثقلت كاهل الشاب

برأيكم ما هي الحلول لدعم الشباب ومن هي الجهات المسؤولة عن فئة الشباب

تره الشاب العراقي بهالزمن حاله حال العجوز بدار المسنين
ما باليد حيله

ولو طولت عليكم

انتظر ارائكم