ينـراد أحطــــلي عيون بعــــــيوني ذني
حته اگدر ابجي عليـك من تمـشي عني
بالجنه من طبيت والحور اجني
كلت انه اريد اهواي شلي بهذني
كون الكًلب صمون ويدخل فرنكم.
.كلما تلوحه النار يصرخ احبكم
طولك احسبه شلون مو سنتمترات
تمدد انته وكون نحسبهه بوسات
بوسات احسبه الطول من ضيم الغياب
اغلط وارد بالبوس ونعيد الحساب
كون الدرب شبريين وأعبر واللاكيك
وبالبوس اموتك حيل وأشبع حضن بيك
مدرسه وبيها هواي احلى المدارس
افرح لون بالباب خلوني حارس
كون المدير يكول درسهم انته
اشرح خمس ساعات بس عن كذلته
الطالبات انجوم وانتي گمرهن
لشوفتج فدوه يروح عمري وعمرهن
يا حلوة الحلوات نتلاكه يمته
هو العمر شيفيد من يكضي سكته
اول اريدج دوم عالصف تطلعين
وحالف قصيده اهديج كلما تنجحين
هاج الكلب اخذيه دفتر للدروس
وعيوني من تقرين سويها فانوس
خابرت ست مرات طلعتلي امج
قررت من هاليوم ما راح اكلمج
سمجــه واشمـشـم بيـــج مثل الـــبـزازين
ضيعــت عمري علــيـج بين الدرابين
![]()
الموضوع :
دارمبات اتمنى تعجبكم المصدر :
منتديات ابن الفرات ودجله
