تعال الزمني بيدك واطفي نار الشوگ
بلكت من اشوفك تسكن اللهفه
تعال امسح احزاني اوعيدني السلواي
ترة البسمه ابغيابك هجرت الشفه
مشحوف العمر بعدك ولاه الروج
والماي اعتناله اولاعب الچفه
تعال وجيب عمري الذايب ابطرواك
يمن بعدك منيه اوشوفتك وصفه
موتدري العثـگ من تـگصي بيه الريح
حدرة اتـگوم ترجف غيرة السعفه
تعال امسح جرح ملچوم من اسنين
عفه جرح الفراگ الماوگف نزفه
تعال اوطفي جمر نشّف لهاة الماي
هم سامع جمر بالماي مايطفه
نبته امن الهرش عاصرهه چف الموت
روحي اومن تشوفك بالعجل تشفه
اخافن ماتجي واتعوفني ابهالحال
وابـگلبي المواجع تسهر اوتغفه
اعاين عالصور واشتم عطر طرواك
واسرج مهر ليلي ابـگمرة الوسفه
تعال اوخلني اشوفك موذبحني الشوگ
غزة حضني الصليل اومابعد يدفه
انخبط ماي النواظر والجريب ابعيد
ياماي النواظر هم بعد تصفه
احلفك بالوگـع فوك النهر عطشان
وابعينه السهم واعله الارض چفه
ارجع ولو لحظه اوضمني بالذرعان
ترة عين الليالي ابغيبتك صلفه
![]()
الموضوع :
تعال الزمني بيدك المصدر :
منتديات ابن الفرات ودجله
