ابوي شگد فقير مصدك بلير
عدن يبني الوطن ويشغله حارس
عشر سنين نام واگعد وشوف
تلگه الدوله بس تصبغ مدارس
للشاعر
نائل المظفر
تدري انته ضعت يا صاحبي وياي
مثل ضيعة رماد لحرگة بخوره
ضيعت الذهب لا حصلت لتراب
مثل شاعر وزنها وضيع الصوره
للشاعر
مهند الهاشمي
كل حلو ينباس بس انته الوحيد
دخنه بيك وعدنه صارت هوسه
خدك يكهرب واليبوسه يطيح
گمنه من بعيد ناخذ بوسه
للشاعر
عبد الحسين الحلفي
كتبنه اعله الجرف اسمائنه بعود
وحفظها الروج ذمه برگبة الطين
وخلينه النوارس عل حچي شهود
ودفنه اسرارنه بفي البساتين
للشاعر
سمير صبيح
من ضيم العلي ضليت ابيع هموم
واسعار الهموم مسجله بخدي
الرايد حزن ياخذ حزن بالدين
والرايد فرح يعذرني ما عندي
للشاعر
سعود الخفاجي
اني اعرف ليش لازگ ياوزيـــر
وليش انته مچلب بهذا الصــرح
انته كرسيك علي صمغ الاميــــر
اتخاف ينشگ بنطرونك تنفضح
للشاعر
تحسين الشاعر
![]()
الموضوع :
ومضات لبعض الشعراء المصدر :
منتديات ابن الفرات ودجله
