منتديات ابن الفرات ودجله
اهلا وسهلا بكم في منتديات ابن الفرات ودجله نتمنى لكم قضاء وقت ممتع ورائع معنا فأذا الرغبت التسجيل نرحب بك عضوا واخا معنا واذا كنت من احد الاعضاء فقم بالدخول












تحياتي لكم


المدير العام


منتدى عربي, عام , تطويري , اشهاري , هاكات , زوار , طلبات تصميم
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اجمل الومضات في غزل العشاق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة

مشرفة منتدى الشعر الشعبي ومنتدى المرأة

مشرفة منتدى الشعر الشعبي ومنتدى المرأة


مساهماتك : 129

نقاط : 429

السٌّمعَة : 2

تاريخ التسجيل : 11/04/2010


مُساهمةموضوع: اجمل الومضات في غزل العشاق   الأربعاء يونيو 22, 2011 11:14 am

السلام عليكم
شلونكم حبايب
اليوم جبتلكم احلى واجمل ما قيل في غزل العشاق
شرفوني بردودكم
واريدكم تشاركون بكتابة ومضات رومانسية فقط



صوفر يبعد الروح هيج العشك صار
ما بيه تعب وهموم يا عشك الصغار
صوفر وخلي الناس تسمع صفيرك
مطيرجي تالي الليل وتفكد طيرك
صوفر شكد تريد يا حارس الليل
لو ما اجاك هواك اصعد على التيل
*
*
مد ايديك وشوفني اني عدل
لو متت والمستحى متجيني
مد ايديك وشوفني اني اكو
وكون تلكاني وعليّ دليني
مد ايديك وبلكت تلاكي نفس
وشوف جم ساعة النفس يكفيني
ارجف من شتاي وايامي قست
وانه كل صيف اليمر يجويني
مد ايديك وسويلي جارة وية الفصول
وكاسر الصيف بشتا ودفيني
*
*
احسك وي رفيف الدم
احسك رازقي وانه اشتم
اغمض عين وافتح عين بلكي بشوفتك احلم
ودي احطك بالكلب شريان وبكيفك توزع الدم
*
*
تدري بية شكد احبك وتعرف شكد عذبتني
زين تعرف طبعك كبل وانت نفسك عرفتني
لا تلوم لا تعاتب انت يالما الك صاحب
اني لو رايد اعوفك جان عفتك من عفتني
*
*
من دمع عيني ارد اخطلكم رسالة
بيهه شوك وعاطفة واحلى الكلام
تعجز الكلمات عن وصف المشاعر
وعيني من رحتوا نست حتى المنام
*
*
فوك الجمر جيتك حافي الاقدام
ومن ردت اوصلك بيدك شعلته
عذول الجان يحلم يحجي وياي
علا صوته ويسمعني ضحكته
فرحان ابتسم للرايح وجاي ويبشر الناس كلهه بعيني شفته
ما نادم على بس تعبي وياك
يهد الحيل يا تعبي التعبته
*
*
احبك؟ شلك بهذا السؤال
منين اجيبنلك واكونلك جمل
لو ما عدنا نبي وعدنا اله
لا فد شي طبيعي انت هبل
*
*
ردت اوصف جمالك حاير شلون
اذا كلك جمال منين اوصفك
واذا هذا البشر مخلوق من طين
انت من العسل خالقك ربك
*
*
انه من ظهرك شفت كل الجمال
ردت اشوفك زين واصدك ظنوني
ومن درت وجهك علي وتبسميت
عسل من وجهك طفر بعيوني
*
*
يندار كل العمر حبك فلا يندار
بعيوني شوكك حلم وبكلبي الك تذكار
انت الاهل والربع انت الامل والجار
ساعات حبك ثلج ساعات حبك نار
حبك سوالف طفل حبك بحر واسرار
حتى عذابك حلو لو تدري بية اشصار
*
*
ياهو كال عندي انت هين
وياهو الكالك لو عفتك ارتاح
طبع الثمر لا ما ينجني، يطيح
وصار سنين خدك راوي ما طاح
التفاح النشوفة بسوكنا استنساخ
وبس العله خدودك صدك تفاح
*
*
لو اعرف منو شاغل بالك
ويستاهل كل هذا جمال
المن تلبس احلى ثيابك
المن تتانق تتعطر؟
ومنو هذا التكعد تنتظره
ويعوفك وحدك تتحسر
والله احسده المثلك عنده
ويا هنياله بحبك وحده
وماكو غيره يدور ببالك؟
لو اعرف منو شاغل بالك
*
*
دوروا ماكو بحلاتج رادوا يوصفوج كوة
سكتوا شيحجون عنج منين ما يبدون بلوة
والغريب انتي بصفاتج حتى لو مو حلوة
حلوة
*
*
عيون كل الناس تتخاطف عليك
وصار كل الما يحس يمك يحس
الشمس بالنور فاقت عالنجوم
وانت اذا موجود تلغيها الشمس
وانت الداخ بيك حتى الما يدوخ
ويذوب خدك اعتقد بس ينلمس
*
*
كاعد يمي اشوفك ايد فوك الايد
مفتون بحلاتك والكلب يسعر
تكرب يمي خدك واني اكلك روح
خافن بس ابوسك يصعد السكر
*
*
دنياتك صبح ما بيها لون الليل
عايش بالنهار وليلك عيونك
ما عندك حلك عندك ورد ينباس
ليلو مسطرات تسطر سنونك
تفوز انت الملك لو تدخل استفتاء
واحلى اهل الارض لازم يخلونك
ما ظني اهلك ينطونك لانسان
بس ليوسف المفروض ينطونك
*
*
اذا كتلك حبيبي اتدنة لية
يعني ارجوك لا تدنة لية
لان طبعك ثلج وجفوفي من نار
واخاف تموع كلك بين ادية
كمت اغار عليك من الهوه الهاب
واكضي العمر كله عليك خايف
لان بس شفتين عند البشر والناس
وانت منين ما اكلبك شفايف
*
*
مثل ظلك جنت بالخطوة نمشي ثنين
مشيت انت بظلام وتيهت ظلك
دليني عليك سنين تايه بيك
امشي وياي ادورك خاطر اندلك
عرفني عله شخصك رايد احجي وياك
بس كلمة وبعد ما غيرها انكلك
وحدة من الثنين ووحدة راح اختار
لو كلك احبك لو احب كلك
*
*
مو شفتوني احبكم بعتوا غالي
تجازوني على سهر الليالي
صار ايام عني ما تسألون
نسيتوا كبل كم مرة تمرون؟
وتفرحون لو شفتوا خيالي
من شفتو صدك كلبي بأديكم
تغيرتو علية من اجيكم
صدكوني اذا ازعل عليكم
اعوف الكلب عدكم لا ابالي
*
*
بالتاريخ اعودن للكهوف وياك
واسكن كهف حبك واكتشف نارك
ماكو حصان ابيض عندي ديناصور
اجي راكب عليه وادخل اسوارك
اخطفك من قلعتك وامشي بيك بعيد
واصير ابن الملوح وانظم اشعارك
*
*
سمعني كلمة عشك وخل روحي بية تذوب
بالجذب لو بالصدك شلتك اسم محبوب
ما اتوب من لوعتك صدكني ابد ما اتوب
انت شمس دنيتي ما اريد اشوف غروب
*
*
بسته ثلاث بوسات ما جني بسته
طعم العسل ياحباب بشفافه ضكته
بسته شحلاة البوس بعد التجافي
وكلبي من كثر البوس يحسد شفافي
*
*
يا خوي جرحي نزف وانت السبب بيه
انتخي للدكتور وانت التلهيه
من رحت للدكتور شاورني بسكوت
لو ولفك يداويك لو باجر تموت
*
*
ما احب غيري احد يمشي وياك
اغار عليك حتى من خيالي
كون اصعد واضمك فوك النجوم
حتى الناس جوة وانت عالي
*
*
اكلك شغلة بس لا تزعل وياي
كبل ما اكول احلف حتى اكلك
جمالك مو طبيعي مسودن الناس
من يا ملة انت اشتعلوا اهلك


صمت الوداع

 الموضوع : اجمل الومضات في غزل العشاق  المصدر : منتديات ابن الفرات ودجله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو

المدير العام

المدير العام
avatar

مساهماتك : 1611

نقاط : 3464

السٌّمعَة : 1

تاريخ التسجيل : 26/02/2010

العمر : 29


مُساهمةموضوع: رد: اجمل الومضات في غزل العشاق   الأربعاء يوليو 06, 2011 3:58 am

شعر جدا رائع
شكرا لك
 الموضوع : اجمل الومضات في غزل العشاق  المصدر : منتديات ابن الفرات ودجله


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

اجمل الومضات في غزل العشاق

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابن الفرات ودجله :: امنتديات الادبيه والثقافيه :: منتدى الشعر الشعبي-

تحويل اسير المعذب

© phpBB | Ahlamontada.com | منتدى مجاني للدعم و المساعدة | إتصل بنا | التبليغ عن محتوى مخالف | الحصول على مدونة مجانية