يامشتكي بعد الولايف والاحباب
لاتشتكي لي من فراق المحبين
ان كان خلك بعد قوسين أو قاب
انا لك الله من ورى حد برلين
وان كان خلك صك من دونك الباب
انا علي ينوح نوح المساجين
واذا حبيبك خاطره منكم طاب
انا حبيبي شاف بغيابي البين
لها ثمان شهور في ديرة اجناب
مدري ثمان شهور ولا هي سنين
وسط المطار استودعت خافقٍ ذاب
واستوحشت صوت الخواجات ياحسين
قالت فمان اللي له الخلق طلاب
وغطت بطارف كمها دمعة العين
واشيب حالي لا بعد ناظري شاب
من وادعتني تهت مدري انا وين
قالت فداك عيون ودموع واهداب
ويفداك كل الخلق قاصي والادنين
هذيك ترخص لاجله اشناب وارقاب
اعنَ له واشتاق حينٍ ورى حين
تقطعت من بعدها كل الاسباب
ومن حبها حبيت هتلر وبرلين
![]()
الموضوع :
يا___مشتكي المصدر :
منتديات ابن الفرات ودجله
